På Staurheim bur du i eit særprega gardsmiljø med eit stort flott firkanttun. Staurheim var i si tid ein av storgardane i Bø. Det er det tidlegare Ysteriet og Eldhuset som er restaurerte og sette i stand til feriehus.

Her er det god plass både til leik, kos med dyr, aktivitetar og avslapping. Staurheim ligg bare 2 km frå Bø sentrum med butikkar og restaurantar.  For å kome til sentrum kan ein gå gangvegen eller ein kan gå snarvegen, ein triveleg spasertur på sti langs jordekanten. Det er gode turmuligheter i skog, på veg, eller 20 min kjøring til fjells. I skogen, like ved gården, finst eit område med gravhaugar og andre kulturminne frå vikingtida.  Kulturminna ligg ved merka sti og er lette å sjå i landskapet.

Eldhuset har plass for inntil 6 personar, er om lag 70 m2 og inneheld soverom, stove, godt utstyrt kjøkken og bad med varmekablar. Ligg i tilknytting til stort barnevennleg tun med plass for leik, ballspel og andre aktivitetar. Det er hagemøblar og bålpanne som ein kan fyre i på seine sommerkveldar.